30. oktober 2000

UKA 2000/22

 

Imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisissaattut siunnersuummut

allannguutissatut siunnersuut.

Niuernermut Ataatsimiititaliamit isumaqatigiittumit saqqummiunneqartoq.

§ 11-mut

1. § 11, imm. 3 peerpoq.

§ 12-imut

2. § 12, imm. 3 peerpoq.

§ 13-imut

3. § 13, imm. 5-imi "nal. 02.00" imaalersillugu allanngortinneqassaaq: "nal. 03.00".

4. § 13, imm. 6-imi "nal. 02.00" imaalersillugu allanngortinneqassaaq: "nal. 03.00".

 

Nalinginnaasumik oqaaseqaatit

Allannguutissatut siunnersuut marlunnik immikkoortoqarpoq.

Siunnersuuteqartut kissaatigaat ulluni 23. aamma 30. decemberimi imigassanik kimittuunik kimikitsunillu nioqquteqartarnermut immikkut maleruagassiortoqassanngitsoq.

Siunnersuuteqartut ilanngullugu kissaatigaat piffissaq akunnaatsuliilluni inuuissiortoqartillugu, katittoqartillugu il. il. sassaallersinnaatitaaffik nal. akunneranik ataatsimik sivikillineqassanngitsoq.

 

Oqaaseqaatit

Nr. 1-imut

Siunnersuutigineqarpoq inatsisissatut siunnersuummi § 11, imm. 3 atorunnaarsinneqassasoq, taamaalillunilu ulluni 23. aamma 30. decemberimi imigassanik kimittuunik nioqquteqartarnermut immikkut maleruagassiortoqarani.

Nr. 2-mut

Siunnersuutigineqarpoq inatsisissatut siunnersuummi § 12, imm. 3 atorunnaarsinneqassasoq, taamaalillunilu ulluni 23. aamma 30. decemberimi imigassanik kimikitsunik nioqquteqartarnermut immikkut maleruagassiortoqarani.

Nr. 3-mut

Siunnersuutigineqarpoq akunnaatsuliilluni inuuissiortoqarneranut, katittoqarneranut, peqatigiiffiit atasimanerinut tunngatillugu nalliuttorsiornernut il. il. atatillugu sapaammiit sisamanngorneq ilanngullugu ullormi aalajangersimasumi imigassanik kimittuunik kimikitsunillu nal. 03.00-ip tungaanut sassaallernissamut akuersissuteqartoqarsinnaaneranut periafissaq ingerlatiinnarneqassasoq.

Inatsisissatut siunnersuut naapertorlugu piffissaq ullormi aalajangersimasumi sassaallernissamut akuersissuteqarsinnaatitaaffik 02.00-imut killeqarpoq.

Nr. 4-mut

Siunnersuutigineqarpoq ullormi aalajangersimasumi sassaallernissamut akuersissummik pinerit tamaasa qinnuteqangikkaluarluni akunnaatsuliilluni inuuissiortoqarneranut, katittoqarneranut, peqatigiiffiit atasimanerinut tunngatillugu nalliuttorsiornernut il. il. atatillugu sapaammiit sisamanngorneq ilanngullugu imigassanik kimittuunik kimikitsunillu nal. 03.00-ip tungaanut sassaallernissamut immikkut akuersissuteqartoqarsinnaassasoq.

§ 13, imm. 6-ip oqaasertassaasut siunnersuutigineqartoq allannguutissatut siunnersummi nr. 3-mut sanilliullugu isigineqassaaq, tassani siunnersuutigineqarmat sapaammiit sisamanngorneq ilanngullugu nal. 03.00-ip tungaanut sassaallernissamut immikkut akuersissuteqartoqarsinnaaneranut periarfissaq ingerlatiinnarneqassasoq.